Лоиқ Шералӣ - Тоҷик андар ВАТАНИ хеш чаро муттаҳам аст?

(тоҷикӣ // ﭘﺎﺭﺳﯽ )
ﺟﺎﻥ ﺑﻪ ﻗﺮﺑﺎﻥ ﺗﻮ ﺍﯼ ملت ﺧﻮﻧﯿﻦ ﮐﻔﻨﻢ
ﺑﻮﺩﯼ ﺑﯿﺖ ﺍﻟﺸﺮﻓﻢ، ﮔﺸﺘﻪﺍﯼ ﺑﯿﺖ ﺍﻟﺤﺰﻧﻢ
ﺩﺷﻤﻨﺖ ﭼﺎﺭ ﻃﺮﻑ ﺍﺟﻨﺒﯽ ﻭ ﺧﺎﻧﮕﯽﺍﻧﺪ
ﺗﻦ ﺗﻨﻬﺎ ﺑﻪ ﭼﻪ ﻧﯿﺮﻭ ﺻﻒ ﺍﻋﺪﺍ ﺷﮑﻨﻢ؟
ﺗﺎﺟﯿﮏ ﺍﻧﺪﺭ ﻭﻃﻦ ﺧﻮﯾﺶ ﭼﺮﺍ ﻣﺘﻬﻢ ﺍﺳﺖ؟
ﯾﺎ ﺧﻄﺎ ﺭﻓﺘﻪ ﺑﻪ ﺗﺎﺟﯿﮏ ﺗﻮﻟﺪ ﺷﺪﻧﻢ؟
ﺍﯼ ﺧﺮﺍﺳﺎﻥ ﺗﻮ ﺑﮕﻮ ﺳﺎﺣﺖ ﺍﯾﺮﺍﻧﻮﯾﭻ ﮐﻮ؟
ﻣﻦ ﺍﺯ ﺍﯾﻦ ﻓﺎﺟﻌﻪ ﭼﻮﻥ ﺷﮑﻮﻩ ﺑﻪ ﯾﺰﺩﺍﻥ ﻧﮑﻨﻢ؟
ﮔﺮﯾﻪ ﻣﻦ ﻧﻪ ﺍﺯ ﺁﻥ ﺍﺳﺖ ﮐﻪ ﺑﯿﭽﺎﺭﻩ ﺷﺪﻡ
ﻫﻢ ﻧﻪ ﺯﺁﻥ ﺍﺳﺖ ﮐﻪ ﻓﺮﺳﻮﺩﻩ ﺑﻮﺩ ﭘﯿﺮﻫﻨﻢ
ﮔﺮﯾﻢ ﺍﺯ ﺁﻧﮑﻪ ﺗﻮ ﺭﺍ ﺣﮑﻢ ﺑﻪ ﮐﺸﺘﻦ ﮐﺮﺩﻧﺪ
ﺍﯼ ﺗﻮ ﻫﻢ ﭘﺎﯾﻪ ﻭ ﻫﻢ ﻣﺎﯾﻪ ﺍﻧﺴﺎﻥ ﺑُﺪﻧﻢ!
ﮔﺮﯾﻢ ﺍﺯ ﺁﻧﮑﻪ ﺗﻮ ﺗﻨﻬﺎﯾﯽ ﻭ ﻣﻦ ﺗﻨﻬﺎ ﺗﺮ
ﻭﻃﻨﻢ، ﺁﻭﻃﻨﻢ، ﺁﻭﻃﻨﻢ، ﺁﻭﻃﻨﻢ
۱۸.۰۲.۱۹۹۶
Ҷон ба қурбони ту, эй миллати хунинкафанам,
Будӣ байтушшарафам, гаштаӣ байтулҳазанам.
Душманат чор тараф аҷнабию хонагиянд,
Тани танҳо ба чӣ неру сафи аъдо шиканам?
Тоҷик андар ватани хеш чаро муттаҳам аст?
Ё хато рафта ба тоҷик таваллуд шуданам?
Эй Хуросон, ту бигӯ, соҳати Эронвич ку?
Ман аз ин фоҷиа чун шиква ба яздон накунам?
Гиряи ман на аз он аст, ки бечора шудам,
Ҳам на з-он аст, ки фарсуда бувад пираҳанам,
Гирям аз он ки туро ҳукм ба куштан карданд,
Эй ту ҳам появу ҳам мояи инсон буданам!
Гирям аз он ки ту танҳоиву ман танҳотар,
Ватанам, о ватанам, о ватанам, о ватанам!
18.2.1996